Хүүхдүүдээс сэтгэл ханамжийн асуумжийг авахад хоолны чанар сайн, цаг хугацаандаа ордог, хоол хаях хүүхдүүд цөөрсөн гэдгийг онцолж байлаа.
Дотуур байрын амьдрах орчныг эрс сайжруулсан, өрөө тасалгааны эмх цэгцийг эцэг эхтэй хамтран тохижуулсан, баг багийн харьяаллаар нэг өрөө, тасагт амьдарч байна. Тасгийн буланг хүүхдүүд өөрсдөө гарган тасгийн мөрдөх дүрэм зэрэг хамт олны мөрдөх нийтлэг үнэт зүйлсээ тодорхойлсон байлаа. Энэ өдөр байрын багш Н.Бор ажиллаж, хүүхдүүдийн хичээл хийх боломжийг бүрдүүлэн аймгийн БСУГ-тай хамтран дотуур байрын номын санг сурах бичгээр хангасан, чөлөөт цаг өнгөрүүлэх танхимыг уламжлалт онцлогийг шингээн тохижуулахаар ажиллаж байгаагаа танилцуулж байлаа.
Өнгөлөг өөдрөг, өөриймсөг сайхан амьдрах орчныг бүрдүүлэхэд анхаарч халуун хоолоор цэсийн дагуу үйлчилж байгаа багш, тогооч, жижүүр, үйлчлэгч нартаа сурагчид сэтгэл хангалуун сайхан орчинд амьдарч байна.
