Сумын ИТХ-ын Хууль, эрх зүйн хорооны дарга Х.Сүхбатаас "Иргэндээ ээлтэй үйлчилгээг өдөр тутамдаа хэвшүүлэе" ажлын удирдамжийг танилцууллаа. Танилцуулгад сумын төсөвт байгууллагын дарга эрхлэгч, иргэн, ААН-ийн төлөөлөл ИТХ-ын бусад хороодын дарга нар нийт 29 хүн оролцлоо.

Хууль, эрх зүйн хорооны ажлын төлөвлөгөөнд тусгагдсан "Худалдаа үйлчилгээний газруудад НӨАТ-ын пос машин суурилуулах ажлын хэрэгжилтэд хяналт" ажлыг гүйцэтгэхэд 12 дэлгүүрээс ердөө 2 нь энэ үйлчилгээг үзүүлж байна. Иргэдээс энэ талаар мэдээлэл дутмаг байна, ямар байгууллагын баримт татварын буцаан олголттой байдаг, ямар нь зөвхөн сугалаанд оролцох эрхтэй байдаг зэргийг иргэдэд мэдээлэх асуудал байгаа тул төрийн чиг үүргийг орон нутагт хэрэгжүүлж ажилладаг Засаг дарга, түүний Тамгын газар, багийн Засаг дарга нараас энэ тал дээр анхаарч иргэдэд үнэн зөв мэдээллийг хүргэх, ААН, дэлгүүрүүд тайлбарыг хүргэж, е-баримтаа тухай бүр өгч хэвшихийг анхаарууллаа.

БАТЛАВ: ИТХ-ЫН ДАРГА                         

                       Б.АЮУШ

 

“ИРГЭНД ЭЭЛТЭЙ ҮЙЛЧИЛГЭЭГ ӨДӨР ТУТАМДАА ХЭВШҮҮЛЭЕ” ИТХ-ИЙН ХУУЛЬ, ЭРХ ЗҮЙН ХОРООНЫ НЭРЭМЖИТ АЖЛЫН УДИРДАМЖ

 

2019.03.04

Зорилго: Сумын хэмжээнд үйл ажиллагаа эрхэлж буй худалдааны дэлгүүрүүдийг үйлчлүүлсэн иргэн бүрт E-БАРИМТ өгөх үйл ажиллагаа өдөр тутамд хэвшүүлэхэд оршино.

Эхлэх хугацаа:2019.03.04

Хэрэгжүүлэгч: Суманд худалдаа эрхэлж буй дэлгүүр, ААН, хувь хүн

Үйл ажиллагаа:

-Суманд худалдаа эрхэлж буй дэлгүүр, хувь хүнд Е-баримт өгөх мэдэгдэл, шаардлагыг татварын байцаагчаар хүргүүлэх

-Пос машинаа суурилуулж ашиглаж чадахгүй байгаа  сургалт авах шаардлагатай гэсэн хүсэлтийн дагуу Гурван Марал дэлгүүрийн эзэн М.Эрдэнэхуягаар  пос машиныг ашиглах зааврыг бусдад зааж сургах

-Суманд худалдааны үйл ажиллагаа эрхэлж буй дэлгүүр, иргэдийн судалгааг иргэдэд цахим хуудсаар мэдээлэх

-Чандмань-Өндөр ИТХ хуудаст удирдамжийн хүрээнд хийгдсэн бүх үйл ажиллагааг мэдээлж, иргэдэд хүргэх

-Сумын иргэдээс  тандалтын судалгаа санал асуулга авах

-Иргэдэд Татварын тухай хуулийн сургалт сурталчилгааг олон хэлбэрээр хүргэх

-04 сарын 10-20-ны хооронд иргэдээс сэтгэл ханамжийн судалгаа авах

Хүрэх үр дүн:

-Худалдаа эрхэлж буй дэлгүүр, хувь хүнээс пос машиныг хэрэглэж хэвших

-Иргэд татварын суутган төлөгч ААН, байгууллага, худалдаа эрхлэгч ААН, байгууллагын зааг ялгааны тухай мэдээлэлтэй болох

-Татвар хураамжаа хуулийн хүрээнд төвлөрүүлэх, төрийн хууль тогтоомжийг мөрдөн хэрэгжүүлэх

-Иргэдийн сугалаанд оролцох, азтан болох, татварын 2%-ийн буцаан олголтонд хамрагдах боломж нээгдэн хүрээ тэлсэн зэрэг үр дүнгүүд шууд гарсан байна.

 

УДИРДАМЖ БОЛОВСРУУЛСАН:ХУУЛЬ, ЭРХ ЗҮЙН ХОРОО