Сумын ИТХ-ын Анхдугаар хуралдааны шийдвэрээр сумын ИТХ-ын даргаар сонгогдсон Бат-Эрдэнийн Аюушид ИТХ-ын дарга асан Х.Сүхбат хүндэтгэл үзүүллээ. Ажил хүлээлцэх комиссын бүрэлдэхүүн ИТХ-ын нарийн бичгийн дарга Ц.Номин, ня-бо Н.Энхжаргал, нярав С.Бат-Эрдэнэ нар байлцан эд хөрөнгийн жагсаалт, бичиг баримтыг тоолж хүлээлцүүллээ. ИТХ-ын даргаар сонгогдсон Б.Аюуш нь сумын ИТХ-ын төлөөлөгчөөр 2 дахь удаагаа сонгогдож буй бөгөөд өмнөх дөрвөн жилд Тэргүүлэгч гишүүнээр ажилласан. Шинэ ИТХ-ын дарга тус сумын ИТХ-ын аймаг, улсад үйл ажиллагаагаа сурталчилсан ололт амжилтыг бататган ажиллахаа илэрхийллээ.